Буюк Британияда коронавируснинг «бразилча» штамми аниқланди
Буюк Британияда коронавирус инфекциясининг «бразилча» штамми билан касалланиш билан боғлиқ биринчи ҳолат қайд этилди. Бу ҳақда «Корреспондент» нашри хабар берди.
Фото: «EPA»
Маълум қилинишича, янги CОVID-мутацияларини ўрганиш билан шуғулланаётган профессор Венди Барклай инфекциянинг «бразилча» вариантининг 2 та тури борлигини таъкидлаган. Улардан бири эса Британияда қайд этилган. Вирусологнинг таъкидлашича, мазкур штамм Британияга «яқинда» кириб келган.
Профессорнинг Бразилиядаги ҳамкасбларига таяниб қўшимча қилишича, янги штаммни юқтириб олган одамларда касалликнинг оғир белгилари кузатилмоқда.
Мавзуга доир:
Аввалроқ Коронавирус мутациясининг янги хусусияти маълум бўлгани ва АҚШда коронавируснинг «американча» тури пайдо бўлиши мумкинлиги хабар қилинган эди. Шунингдек, Ҳиндистонда 6 киши «британча» коронавирусга чалингани маълум қилинган.
