Қорақалпоғистонда «Cobalt» ва «Spark» тўқнашиши оқибатида ҳайдовчилар воқеа жойида ҳалок бўлди — видео

Қорақалпоғистон Республикаси Элликқалъа туманида «Cobalt» ва «Spark» тўқнашиши оқибатида ҳайдовчилар воқеа жойида ҳалок бўлди. Бу ҳақда Йўл ҳаракати хавфсизлиги бош бошқармаси ахборот хизмати хабар қилди.

Кадр: Telegram

Хабарга кўра, воқеа Беруния ва Элликқалъа туманлари оралиғидаги йўлнинг 4-Р Беруний—Бўстон йўналишида содир бўлган. Маълум қилинишича, мазкур йўлнинг 37 километрида «Cobalt» қақрама-қарши томонга чиқиб кетиб мазкур йўналишдан келаётган «Spark» билан тўқнашган.

Қайд этилишича, тўқнашув оқибатида ҳайдовчилар воқеа жойида ҳалок бўлган ва «Cobalt»да бўлган 2 киши шифохонага ётқизилган. Йўл транспорт ҳодисасига «Cobalt» йўлнинг қарама-қарши томонига чиқиб кетиши сабаб бўлган.

Аввалроқ Наманганда юк машинасига бориб урилган «Nexia»даги 6 киши ёниб кетгани ҳақида хабар берилганди. Шунингдек, Сурхондарёда таъмирланаётган йўлда «Cobalt» ағдарилиб кетиб, ҳайдовчи ҳалок бўлгани хабар қилинган.