Навоийдаги қурилишда кўтарма кран қулаб тушиши оқибатида бир киши жароҳат олди — видео

Навоий шаҳри Ёшлик маҳалласидаги қурилишда 26 январь куни ишлаб турган кўтарма кран қулаб тушди. Бу ҳақда вилоят ҳокимлиги матбуот хизмати маълум қилди.

Фото: Навоий вилояти ҳокимлиги матбуот хизмати

Хабар қилинишича, воқеа соат 16:00 атрофида содир бўлган. Қурилиш Ёшлик маҳалласида «Шоҳжаҳон шамшири» корхонаси томонидан оилиб борилаётгани аниқланган.

Фото: Навоий вилояти ҳокимлиги матбуот хизмати

Ҳозирда кран бошқарувчиси енгил тан жароҳати олиб, шифохонага ётқизилган.

Эслатиб ўтамиз, Наманганда кучли шамол оқибатида бинолар томи қулаб тушгани ҳақида хабар берилганди. Унга кўра, Мингбулоқ туманида ҳам тонгги соат 05:00 атрофида кучли шамол бошланган. Оқибатда тумандаги маҳалла ва оилани қўллаб-қувватлаш бўлими биносининг том қисми ҳамда «Тунги ёғду» мажмуаси ёнидаги кўп қаватли уйларнинг том қисмида шикастланиш юзага келган.

Аввалроқ Жиззахда янги қурилган кўп қаватли уй қулаб тушгани хабар қилинган эди. Шунингдек, Наманган шаҳрида яқинда қурилган 37 метрли кўприк синиб кетгани ҳамда Наманганда қулаган 37 метрли кўприк юзасидан муносабат билдирилгани маълум қилинган.