Тошкентдаги ёнғин қарийб 3 соатда бартараф этилди
15 май куни Тошкент шаҳaр Миробод туманида жойлашган Шимолий вокзал ҳудудидаги вагон таъмирлаш депосида ёнғин содир бўлди. Бу ҳақда пойтахт ФВБ матбуот хизмати хабар берди.
Ёнғин тўғрисида хабар 23:58 да келиб тушган бўлиб, ёнғин-қутқарув экипажлари воқеа жойига 00:03 да етиб борган. Ёнғин соат 01:31 да қуршаб олинган ва 02:48 да, қарийб 3 соатда, тўлиқ ўчирилган.
Фавқулодда ҳодиса оқибатида тан жароҳати олганлар ҳақида маълумотлар йўқ. Ҳозирда ёнғиннинг сабаблари ва етказилган моддий зарар миқдори аниқланмоқда.
