Бухоролик яна бир ўқувчи 20 та хорижий олийгоҳ талабаси бўлди
Бухоро вилояти Бухоро шаҳрида мактаб битирувчиси бир вақтда 20 та хорижий олий таълим муассасаларига ҳужжат топшириб, онлайн синовлардан ўтди ва талабаликка қабул қилинди. Бу ҳақда Бухоро вилояти ҳокимлиги матбуот хизмати хабар берди.
Фото: Бухоро вилояти ҳокимлиги матбуот хизмати
Бухоро шаҳридаги 8-умумтаълим мактаби битирувчиси Мирфайз Салимов бир вақтда 20 та хорижий олий таълим муассасаларига ҳужжат топшириб, онлайн синовлардан муваффақиятли ўтган. Битирувчи Management Development Institute of Singapore in Tashkent (MDIS), British Management University (BMU), Amity University in Tashkent (AUT), Team University in Tashkent (TEAM), Webster University in Tashkent (WUT), International Institute of Finance and Accounting (IIFA), Московский государственный университет (МГУ), Международная Московская Академия (ММА), International University of Business and Economics (Beijing, China) ва шу каби хорижий ОТМларга талабаликка қабул қилинган.
Аввалроқ бир вақтнинг ўзида бухоролик мактаб битирувчиси 7 та, андижонлик мактаб битирувчиси 78 та, бухоролик яна бир ўқувчи 5 та, наманганлик 2 ўқувчи 10 дан ортиқ ва андижонлик мактаб битирувчиси 8 та маҳаллий ва хорижий ОТМларга қабул қилинганликлари ҳақида хабар берилганди.
