Актриса Азиза Ёқубова коронавируснинг оғир формаси билан шифохонага ётқизилди — видео

Актриса Азиза Ёқубова коронавируснинг оғир формасига чалиниб, шифохонага ётқизилди. Бу ҳақда актриса ўзиниг Instagram саҳифасида маълум қилди.

Фото: Instagram/ @aziza_yoqubova

«Effect.uz»нинг хабар беришича, актриса ўзида коронавирус инфекциясини ўтказиб юборган. Оқибатда пневмонияга чалиниб, Тошкентдаги шифохоналарнинг бирига тез тиббий ёрдам машинаси ёрдамида олиб борилган.

«Сизларни қаттиқ яхши кўраман, меҳрингиз ва жонкуярлигингиз учун катта раҳмат. Худо хоҳласа, албатта тузаламан. Барча жонкуяр мухлисларимга раҳмат. Аллоҳ барча беморларга шифо берсин. Аллоҳ рози бўлсин сизлардан. Олдинги бачкана ведеоларим учун, кимнингдир кўнглини оғритган бўлсам, узр сўрайман», — дейди актриса.

Аввалроқ Ўзбекистон халқ артисти Муқаддас Холиқова, хонанда Каниза ва «Беном» гуруҳи вакилии Комил коронавирусга чалингани ҳақида хабар берилганди.

Бундан ташқари, Ўзбекистон халқ артисти Дилбар Икромованинг коронавирусдан вафот этгани маълум қилинганди. Шунингдек, Коронавируснинг оғир формасини бошдан кечирган Фатҳулла Маъсудов вафот этган.