Янги йил рамзига айланган «Уйда ёлғиз» фильми тарихини биласизми?
«Уйда ёлғиз» фильми экранларда илк бор 1990 йилда пайдо бўлган. Ўшандан бери бу фильм Янги йил рамзига айланган ҳамда каттаю кичик томошабирлар томонидан бирдек севиб томоша қилинади. «Tez News» ушбу мақолада фильм ғояси, актёрлари, кастинг жараёни, Гиннеснинг рекордлар китобига қандай ном билан киргани ҳамда бошқа қизиқ маълумотларни тақдим этади.
![](https://teznews.uz/wp-content/uploads/2020/12/photo_2020-12-20_18-25-14.jpg)
Фото: «Independent»
Сценарийнинг дунёга келиши
Ғоя фильм продюсери Жон Хюгзга тегишли бўлиб, ҳаётда учраб турадиган кичик маиший муаммолар асосида ўйлаб топилган. Унинг таъкидлашича, кунларнинг бирида таътилга кетиш олдидан ўзи билан олиши лозим бўлган нарсалар рўйхатини тузади. Шунда 10 ёшли ўғлимни уйда қолдирганимда якка ўзи нима қилган бўларди, деб ўйлаб, 8 саҳифали фильм ғоясини ёзишга киришади. Шу аснода «Уйда ёлғиз» фильмининг сценарийси яралган.
![](https://teznews.uz/wp-content/uploads/2020/12/photo_2020-12-20_18-29-00-e1608471106388.jpg)
Фильм продюсери Жон Хюгз
Фото: «Famefocus»
Кастинг
Фильмдаги Кевиннинг акаси бўлмиш Базнинг қиз ўртоғи ёдингиздами? Кевин расмни топгач, қандай ёқимсиз истеҳзо қилгани-чи? Режиссёр ҳазилга хизмат қилувчи бундай қизни кинода акс эттириш ва персонажни хафа қилиб қўймаслик учун кино сеҳридан фойдаланишга қарор қилади. У фильм бадиий директори Ден Вебстернинг ўғлидан ушбу ролда маҳорат билан фойдаланган: соч париги, грим… булар режиссёрнинг хаёлидаги ролни очиб беришда асқатган.
![](https://teznews.uz/wp-content/uploads/2020/12/photo_2020-12-20_18-26-26.jpg)
Фото: «Newslocker»
Фильмни асосий қаҳрамонларсиз — Кевин, «ҳўл ўғрилар» — Гарри ва Марвларсиз тасаввур этиб бўлмайди. Режиссёр Кевин роли учун юзлаб актёр болалар орасидан «Баки тоға» фильмидаги маҳоратли ижроси учун Калкинни танлайди. Ўғрилардан бири Гарри ролига аввал бошдан Роберт Де Ниро ва Жон Ловитс жалб қилинган эди. Иккала актёр ҳам ролни рад этганидан сўнг Жо Пеши бу ролни ижро этган.
Марв ролида Даниэл Стерн суратга олинган, аммо кўп ўтмай, иш ҳақи оширилмагани учун у ролни тарк этади. Унинг ўрнига тезда бошқа актёр ёлланди, аммо икки кунлик машқларга қарамай, Пешининг ролига мослашолмаганидан сўнг режиссёр Стернни қайтаришга қарор қилади. Стерн роли ва суратга олиш жараёнини кулиб, ҳайрат билан хотирлайди:
«Каскадёрлар учун берилган ролини ижро этиши осон эмас ва каскадёрлар жамоасида 10 ёшли Калкин ҳам бор эди. Дубляжлар давомидаги оғриқлар ҳазилакам эмасди. Бундай вақтларда мен фақат ва фақат болаларнинг тирик қолиши ҳақида ўйлайман», — дейди у.
![](https://teznews.uz/wp-content/uploads/2020/12/photo_2020-12-20_18-26-00.jpg)
Фото: «Independent»
Фильм кассаси
«Уйда ёлғиз» Қўшма Штатлар ва Канадада 285,8 миллион доллар, бошқа мамлакатларда 190,9 миллион АҚШ доллар ишлаб топди. Кино бюджети 18 миллион АҚШ долларига тенг бўлиб, дунё миқёсида умумий 476,7 миллион доллар фойда келтирган. Бу борада ҳатто Гиннеснинг рекордлар китобига «Жонли эфирда энг кўп даромад келтирган комедия» сифатида киритилган. Шунингдек, 2011 йилгача энг кўп даромад келтирган экстремал комедия рекордини ушлаб турган.
Мавзуга доир: «Ягона шарти бор». Дональд Трамп «Уйда ёлғиз 2» фильмида қандай пайдо бўлиб қолгани маълум бўлди
Фильм кинотеатрларда намойиш этила бошлагандан кейин бутун дунё бўйлаб энг кўп даромад келтирган фильмлар орасида учинчи ўринни эгаллаган. Бундан ташқари, у 2018 йилга қадар энг кўп даромад кўрган Рождество фильми эди.
«Уйда ёлғиз» биринчи бўлиб 1991 йил 22 августда катта экранларга чиқарилган. Кейинчалик 1999 йил 5 октябрда асосий пакет сифатида чиқарилди. Фильм 2015 йилда «‘Уйда ёлғиз’нинг 25 йиллиги. Якуний коллекциянинг Рождество нашри» деб номланган ягона қутида тўртала қисмлари қайта сотувга чиқади.
![](https://teznews.uz/wp-content/uploads/2020/12/photo_2020-12-20_18-30-20.jpg)
Фото: «Bestofhouse»
2020 йил 15 сентябрда «Walt Disney Studios Home Entertainment» ва «20th Century Studios Home Entertainment» Қўшма Штатларда «Уйда ёлғиз»нинг 30 йиллик юбилейи муносабати билан фильмни Ultra HD Blue-ray форматида чиқарди.