«Илтимос, севгимни қабул қилинг». Муниса Ризаеванинг мухлиси у билан учрашиш учун 3 кун совуқда қолиб кетди

Муниса Ризаеванинг хоразмлик мухлиси унга севги изҳор қилиш 3 кун давомида уйи олдида кутиб турди. Бу ҳақда хонанданинг синглиси Карима Ризаева 27 декабрь куни Instagram story’сида хабар қолдирган.

Фото: Instagram / @munisarizaeva

Видеодан маълум бўлишича, йигит Муниса Ризаевага севги изҳор қилиш учун Хоразм вилоятидан Тошкентга келган. У эгнидаги енгил кийимлар билан 3 кун кўчада кутганини таъкидлаган.

«Ҳа, сизни 3 кундан бери кутдим. Мен сизни жуда ҳам яхши кўраман, шунинг учун гул кўтариб келгандим. Энди жуда зўр бўлмаса ҳам, арзонроқ гул олиб келгандим.

Илтимос, менинг севгимни қабул қилинг. Сизни жуда ҳам қаттиқ севаман», — дейди хоразмлик йигит.

Аввалроқ Муниса Ризаева кийинишини танқид қилган Аброр Мухтор Алий билан судлашмоқчи эканлиги ҳақида хабар берилганди. Шунингдек, хонанданинг ўртаҳол оилага келин бўлмаслигини айтгани хабар қилинган.

Кейинчалик Муниса Ризаеванинг «Зино қилганмисиз?» деган саволга жавоб бергани ҳамда ёшлигида севгилиси хиёнат қилганини айтгани хабар қилинган.