Туркияда 3 йил давомида қулликда сақланган ўзбекистонлик аёл қутқарилди
Туркияда 3 йил меҳнат қуллигида бўлган Ўзбекистон фуқароси қутқариб олинди. Бу ҳақда Ўзбекистоннинг Истанбулдаги Бош консуллиги матбуот хизмати хабар беради.
Аниқланишича, йўқолган аёлнинг 21 ёшли ўғли ҳуқуқ-тартибот идораларига ёрдам сўраб мурожаат қилган. Унинг сўзларига кўра, онаси тўрт йил аввал Истанбулга ишлаш учун кетган ва уч йилдан буён алоқага чиқмаган.
Текширувлар натижасида аёлнинг Ушоқ (Туркия) шаҳрида бўлиб, 2020 йилдан буён Туркия фуқароси томонидан ноқонуний равишда ҳибсда сақланганлиги аниқланди.
Ҳабар қилинишича, ҳозирда аёл кузатув остида бўлиб, уни Ўзбекистонга қайтариш ишлари олиб борилмоқда.
Шунингдек, Туркия расмийлари ўзбекистонлик аёлни ушлаб турган эркакка нисбатан жиноий иш очган.
